Movie - Rajakumar (Janaki kalaganaledu)

జానకి కలగనలేదు రాముని సతికాగలనని యేనాడూ
రాముడు అనుకోలేదు జానకి పతికాగలనని ఆనాడు
ఆనాడు యెవరూ అనుకోనిది
ఈనాడు మనకు నిజమైనది
ఆ రామాయణం మన జీవన పారాయణం

చెలి మనసే శివధనుసైనది తొలిచూపుల వశమైనది
వలపు స్వయంవరమైనపుడు గెలువనిది యేది?
ఒక బాణం వొక భార్యన్నది శ్రీరాముని చిరయశమైనది
శ్రీవారు ఆ వరమిస్తే సిరులన్నీ నావి
తొలిచుక్కవు నీవే చుక్కానివి నీవే
తుదిదాకా నీవే మరుజన్మకు నీవే
ఆ...||జానకి||

సహవాసం మనకు నివాసం సరిహద్దు నీలాకాశం
ప్రతిపొద్దు ప్రణయావేశం పెదవులపై హాసం
సుమసారం మన సంసారం మణిహారం మన మమకారం
ప్రతిరోజూ వొక శ్రీకారం పరవశ శృంగారం
గతమంటే నీవే కథకానిది నీవే
కలలన్నీ నావే కలకాలం నీవే
ఆ...||జానకి|| 

http://www.youtube.com/watch?v=sOoQm26L-XU