వొయ్యన వూరెడి వువ్విళ్ళో
పలచని చెమటల బాహుమూలముల-
చెలమలలోనా చెలువములే
థళథళమను ముత్యపు చెఱగు సురటి
దులిపేటి నీళ్ళాతుంపిళ్ళో
తొటతొట కన్నుల తొరిగేటి నీళ్ళ
చిటిపొటి యలుకలు చిరునగవే
వటఫలంబు నీ వన్నెల మోవికి
గుటుకలలోనా గుక్కిళ్ళో
గరగరికల వేంకటపతి కౌగిట
పరిమళములలో బచ్చనలు(లే)
మరునివింటి కమ్మనియంప విరుల-
గురితాకులినుపగుగ్గిళ్ళో
No comments:
Post a Comment